Mitten im größten Karnevalstrubel stimmen die Jecken lautstark
Kölsche Karnevalslieder an, singen aus voller Brust mit. Gut, wenn man
dann den Refrain kennt und mitsingen, mitschunkeln kann.
Drink doch ene met
Ne ahle Mann steht vür der Wirtschafftsdür,
der su jern ens ene drinken däät,
doch he hätt vill zu wennisch Jeld,
sulang he uch zällt.
In der Wirtschaff is die Stimmung jrus,
äver keiner sück der ahle Mann, doch do kütt ene mit enem Bier,
und sprisch en enfach an.
Refrain:
Drink doch ene met,
stell dich nit esu ann,
du stehs he die janze Zick erüm.
Hässt du och kei Jeld,
dat is janz ejal,
drink doch met unn kümmer disch net drümm.
Su mansche sitz vielleisch allen zu Huss,
der su jern ens widda lachen dät.
Janz heimlisch, da wat hä nur darup,
dat ene zu imm säht
2x Refrain:
Drink doch ene mit...
(Bläck Föss)
Echte Fründe
Echte Fründe ston zesamme,
ston zesamme su wie eine Jott un Pott.
Echte Fründe ston zesamme,
es och dih Jlück op Jöck un läuf dir fott.
Fründe, Fründe, Fründe en dr Nut
jon 'er hundert, hundert op e Lut.
Echte Fründe ston zesamme,
su wie eine Jott un Pott.
Do häs Jlück, Erfolg un küss zo Jeld.
Dich kennt he op einmol Jott un alle Welt.
Minsche, die dich vürher nit jekannt
kumme us de Löcher anjerannt,
sin janz plötzlich all met dir verwandt.
Echte Fründe ston zesamme,
ston zesamme su wie eine Jott un Pott.
Echte Fründe ston zesamme,
es och dih Jlück op Jöck un läuf dir fott.
Fründe, Fründe, Fründe en dr Nut
jon 'er hundert, hundert op e Lut.
Echte Fründe ston zesamme,
su wie eine Jott un Pott.
Scholderkloppe, Bravo nimm kei Engk.
Mer fingk dich wirklich toll un
drät dich op de Häng.
Jlücklich, wä sich do nit blende liet
un nit zo vell op schöne Auge jitt,
en jedem Fründe 'ne richtige Fründe och süht
Echte Fründe ston zesamme,
ston zesamme su wie eine Jott un Pott.
Echte Fründe ston zesamme,
es och dih Jlück op Jöck un läuf dir fott.
Fründe, Fründe, Fründe en dr Nut
jon 'er hundert, hundert op e Lut.
Echte Fründe ston zesamme,
su wie eine Jott un Pott.
Do häs Pech; et jeiht dr Birsch erav.
Verjesse es all dat, wat do bisher jeschaff.
Minsche, die dich vürher jot jekannt,
jevven dir noch nit ens mih de Hand.
Jetz sühs do, wä met Rääch sich Fründ jenannt.
Echte Fründe ston zesamme,
ston zesamme su wie eine Jott un Pott.
Echte Fründe ston zesamme,
es och dih Jlück op Jöck un läuf dir fott.
Fründe, Fründe, Fründe en dr Nut
jon 'er hundert, hundert op e Lut.
Echte Fründe ston zesamme,
su wie eine Jott un Pott.
(Höhner)
Superjeile Zick
Maach noch ens die Tüt an, he is noch lang nit Schluss,
un uch noch en Fläsch op, ich will noch nit noh Huus.
Ich kenn en paar Schüss, die han jenau wie mer,
Bock op en Party, sag dat jeit doch hier.
Kumm, maach keine Ärjer, maach uns keine Stress.
Mer sin uch janz leis un maache keine Dress.
A beßje jet rauche, jet suffe un dann
loore ob mer mit dä Schüss jet danze kann.
Nä, wat wor dat dann fröher en superjeile Zick,
mit Träne in d'r Auge loor ich manchmol zurück.
Bin ich hück op d'r Roll nur noch half su doll,
doch hück Naach weiß ich nit wo dat enden soll.
Et weed immer späder, drusse weed et hell.
Mer sitze noch zesamme bei Biercher un Verzäll.
Et is fast wie fröher, doch ich muss noh Huus;
do fängt et an ze schneie, medden im August.
Et is mir dressejal ob ich hück umfall,
ob ich noch schwade, oder nur noch lall.
Erwachse weede kann ich uch morje noch.
Langsam weed et he jemötlich, denn die Schüss, die laufe op.
Nä, wat wor dat dann fröher en superjeile Zick,
mit Träne in d'r Auge loor ich manchmol zurück.
Bin ich hück op d'r Roll nur noch half su doll,
doch hück Naach weiß ich nit wo dat enden soll.
Nä, wat wor dat dann fröher en superjeile Zick,
mit Träne in d'r Auge loor ich manchmol zurück.
Bin ich hück op d'r Roll nur noch half su doll,
doch hück Naach weiß ich nit wo dat enden soll.
Nä, wat wor dat dann fröher en superjeile Zick,
mit Träne in d'r Auge loor ich manchmol zurück.
Bin ich hück op d'r Roll nur noch half su doll,
doch hück Naach weiß ich nit wo dat enden soll.
Nä, wat wor dat dann fröher en superjeile Zick,
mit Träne in d'r Auge loor ich manchmol zurück.
Bin ich hück op d'r Roll nur noch half su doll,
doch hück Naach weiß ich nit wo dat enden soll.
(Brings)
En unserem Veedel
Wie soll dat nur wigger jon,
wat bliev dann hück noch ston,
die Hüsjer un Jasse
die Stündcher beim Klaafe
es dat vorbei.
En d'r Weetschaff op d'r Eck
ston die Männer an d'r Thek'
die Fraulückcher setze
beim Schwätzje zosamme
es dat vorbei.
Wat och passeet,
dat eine es doch klor.
Et Schönste, wat m'r han,
schon all die lange Johr,
es unser Veedel,
denn he hält m'r zosamme
ejal, wat och passeet,
en uns'rem Veedel.
Uns Pänz, die spelle nit em Jras
un fällt ens einer op de Nas,
die Bühle un Schramme,
die fleck m'r zosamme,
dann es et vorbei.
Wat och passeet ...
En uns'rem Veedel.
Dat es doch klor,
mer blieven, wo mer sin,
schon all die lange Johr,
en uns'rem Veedel,
denn he hält m'r zosamme
ejal, wat och passeet,
en uns'rem Veedel.
(Bläck Föss)
Eimol Prinz zo sin
Der eine söök em Spill sing Jlöck,
der and're is op Jold verrück,
doch jeder echte Kölsche Stopp
hätt doch nur eens im Kopp:
Eimol Prinz zo sin,
in Kölle am Rhing,
in nem Dreijestirn
voll Sunnesching!
Davon hann ich schon
als kleene Fetz gedräump.
Eimol Prinz zo sin,
sonst häs de jet versäump!
Doch dat Jlöck is ech komplett
wenn mer echte Fründe hätt
so ne richtig kölsche Buur
en Jungfrau met Humor.
Eimol Prinz zu sin ..........
Wat wör dat schönste Dreijestirn
ohne Jecke stünde mer im Rään.
Drum maht met uns hück eine dropp,
dann steht janz Kölle Kopp!
Eimol Prinz zu sin....
(Wicky Junggeburth)
Op dem Maat
Op dem Maat - De Räuber
Op dem Maat, op dem Maat,
Stonn die Buure,
Decke Eier, fuhle Prumme,
Lange Muhre.
Un die Lück, un die Lück,
Sin am luure,
Op die Eier, op die Prumme,
Op die Muhre.
Et Samsdaachs jeht die Mamma
Immer janz fröh op dr Maat.
Denn do jitt et fresche Eier,
Kappes un Salat.
En Maatfrau schreit
Aus voller Brust,
Dr Koppschlot Dreimarkvier,
Met Lüs un Schnecke inclusiv,
Dat es doch nit ze düür.
Op dem Maat, op dem Maat,
Stonn die Buure,
Decke Eier, fuhle Prumme,
Lange Muhre.
Un die Lück, un die Lück,
Sin am luure,
Op die Eier, op die Prumme,
Op die Muhre.
En Colonia, en Colonia
Un nevvenahn,
Do steht ene Kääl
Met Kappes un Schavou.
Dä Kappes es met Mess jedünk
Un Ferkesjauche pur.
Doch eines hätt hä nit bedaach,
Dat es doch sunneklor,
Dat och dr Mess hück nit mie es,
Wat hä ens fröher wor.
Op dem Maat, op dem Maat,
Stonn die Buure,
Decke Eier, fuhle Prumme,
Lange Muhre.
Un die Lück, un die Lück,
Sin am luure,
Op die Eier, op die Prumme,
Op die Muhre.
En Colonia, en Colonia
En Currywoosch,
Für zweschedurch,
Schmeckt he noch Jung un Alt,
Denn dofür sorch dr Curry-Jupp
Vum schöne Westerwald.
Un för die Woosch em Plastikdarm
Jewürz met vill Phosphat,
Do stonn sujar de Jröne
An dr Frittebud parat.
Op dem Maat, op dem Maat,
Stonn die Buure,
Decke Eier, fuhle Prumme,
Lange Muhre.
Un die Lück, un die Lück,
Sin am luure,
Op die Eier, op die Prumme,
Op die Muhre.
En Colonia, en Colonia
Op dem Maat, op dem Maat,
Stonn die Buure,
Decke Eier, fuhle Prumme,
Lange Muhre.
Un die Lück, un die Lück,
Sin am luure,
Op die Eier, op die Prumme,
Op die Muhre.
Op die Eier, op die Prumme,
Op die Muhre
Op dem Maat, op dem Maat,
Stonn die Buure
( De Räüber)
Mer losse d'r Dom en Kölle
Stell d'r für, de Kreml stünd o'm Ebertplatz,
stell d'r für, de Louvre stünd am Ring.
Do wör für die zwei doch vell ze winnich Platz,
dat wör doch e unvorstellbar Ding.
Am Jürzenich, do wör vielleich et Pentajon,
am Rothus stünd dann die Akropolis.
Do wöss mer över haup nit, wo mer hinjonn sullt,
un daröm es dat eine janz jewess:
Refrain:
Mer losse d'r Dom en Kölle, denn do jehööt hä hin.
Wat sull di dann woanders, dat hätt doch keine Senn.
Mer losse d'r Dom in Kölle, denn do es hä ze huss.
Un op singem ahle Platz, bliev hä och joot en Schuss,
un op singem ahle Platz, bliev hä och joot en Schuss.
Die Ihrestross, die hieß vielleich Sixth Avenue,
oder die Nordsüd-Fahrt Brennerpass.
D'r Mont Klamott, dä heiss op eimol Zuckerhut,
do köm dat Panorama schwer in Brass.
Jetzt froch ich üch, wem domet jeholfe es,
wat nötz die janze Stadtsanierung schon?
Do sull doch leever alles blieve wie et es
un mir behaale uns're schöne Dom.
Refrain
(Bläck Föss)
Ich ben ne Räuber
Ich trof e Leckerche, ich jläuv, dat stund op mich,
Et sproch mich an: drinks de met mer e Bier?
Ich saach: Leev Mädche, ich muß dich warne,
Loss de Finger weg vun mir
Refrain:
Ich ben ene Räuber, leev Marielche,
Ben ne Räuber durch un durch.
Ich kann nit treu sin, läv en dr Daach ren,
Ich ben ne Räuber, maach mr kein Sorch.
Ich dun jän kaate bes fröh am Morje,
Verspelle off, wat ich nit han.
Bloß eins behalt ich, dat es ming Freiheit,
Die nimp mr keiner, sulang ich mich wehre kann.
Refrain
Ich mein et hück ihrlich, wenn ich saach,
Ich maach Dich, doch bald kann dat janz anders sin.
Se dät bloß laache un sat: dat määt nix,
Morje weede mir wigger sin.
Am nächste Morje, ich hat kaum de Aure op,
Sat mieh Hätz: Jung, dich hät et erwisch!
He Marielche, ich han dich wirklich jän!
Do soh ich ne Zeddel om Köschedesch.
Refrain II:
Ich ben och ene Räuber, leeve Pitter,
Ben ne Räuber durch un durch.
Ich kann nit treu sin, läv en dr Daach ren,
Ich ben ne Räuber, maach mr kein Sorch.
Refrain II
(Höhner)
Hey Kölle - Du bes e Jeföhl
Hey Kölle - do ming Stadt am Rhing,
he wo ich jroß jewode ben.
Do bes en Stadt met Hätz un Siel.
Hey Kölle, do bes e Jeföhl!
Ich han die Städte der Welt jesin,
ich wor in Rio, in New York un Berlin!
Se sin op ihre Aat jot un schön,
doch wenn ich ierhlich ben, do trick mich nix hin!
Ich bruch minge Dom, dä Rhing - minge Strom -
un die Hüsjer bunt om Aldermaat!
Ich bruch dä F. C., un die Minsche he,
un die jode, echte kölsche Aat!
Hey Kölle - do ming Stadt am Rhing,
he wo ich jroß jewode ben.
Do bes en Stadt met Hätz un Siel.
Hey Kölle, do bes e Jeföhl!
Do häss em Kreech fas' mem Levve bezahlt,
doch se han dich widder opjestallt.
Die Zick, die määt och för dir nit halt,
hück häste Ecke, die sin jrau un kalt!
Do weed römjebaut un vell versaut,
un trotzdem eines, dat es jeweß:
Dat dä Ärjer vun hück - un dat jeiht flöck -
die jode ahle Zick vun murje es!
Hey Kölle - do ming Stadt am Rhing,
he wo ich jroß jewode ben.
Do bes en Stadt met Hätz un Siel.
Hey Kölle, do bes e Jeföhl!
[ 2x ]
Ich blieve he, wat och passeet!
Wo ich die Lück verstonn,
wo ich verstande weed!
Hey, hey, hey!
Hey Kölle - do ming Stadt am Rhing,
he wo ich jroß jewode ben.
Do bes en Stadt met Hätz un Siel.
Hey Kölle, do bes e Jeföhl!
[ 2x ]
(Höhner)
Viel Spaß
Eure Daniela
